Skrípaleikur Sigmundar Davíðs

Þetta er að verða meiri skrípaleikurinn í þessum stjórnarumleitunum Framsóknar.  Þegar ljóst er að 55% þjóðarinnar vill sjá stjórnarsamstarf Framsóknar og Sjálfstæðisflokks er Sigmundur að eyða dýrmætum tíma til að ræða við alla flokka!!!!!! einnig þá sem gefið hafa yfirlísingu um að þeir ætli ekki í stjórnarsamstarf?????

Neitar að hafa ekið á ofsahraða!

Í grein í mogganum heldur ökumaðurinn því fram að hann hafi ekið á um 70 km hraða en skv. ýtarlegri rannsókn er hraði hans sagður hafa verið um 119 km.  Hafa kannski báðir eitthvað til síns máls! eins margir bílar eru í dag sýnir hraðamælir bæði kílómetra- og mílur á klst.  gæti pilturinn hafa séð 70 en voru mílur þá er hraði hans um 115 km á klst?

Skálkaskjól í ES

Ég var að velta því fyrir mér hvort á endanum verði heppilegasti kostur fyrir Ísland að ganga í Evrópusambandið vegna fiskveiðifraumvarpsins sem liggur fyrir alþingi.  Það skattleggur þessa einu atvinnugrein langt umfram aðarar og að flestra áliti skaði sjávarútveg til framtíðar.

Ja ef við skoðum hver einn aðalhöfundurinn er, Indriði Þorláksson aðstoðarmaður Steingríms J, þá er ekki góðs að vænta, mig minnir að hann hafi líka verið einn af samningsaðilum í öðrum Icesave samningnum.

Þetta er náttúrulega frábær aðferð ríkisstjórnarinnar til að auka fylgi við ES inngöngu, breyta lögum þannig að það borgi sig fyrir okkur að ganga inn, ég var ekki búinn að fatta þessa snilld hjá þeim.

Það lítur ekki út fyrir að neitt sé að breytast allt frumkvæði í atvinnulífinu drepið í fæðingu og lausnin að hækka alla skatta yfir þolmörk og breyta leikreglum rækilega breytinganna vegna.  Ég óska þess nánast á hverjum degi að það verði blásið til alþingiskosninga sem fyrst, við megum engan tíma missa.


Prófkjör XD í Mosfellsbæ

Núna stendur yfir prófkjörsbarátta hjá sjálfstæðisflokknum í Mosfellsbæ og mun prófkjörskosning fara fram 6. febrúar 2010.

Það eru 15 aðilar sem buðu sig fram í prófkjörinu, mjög frambærilegt fólk allt saman.  Það er mjög gaman hvað margir gáfu kost á sér í prófkjörinu og spennandi að fylgjast með framvindunni.  Mér sýnist líka vera frábær andi í hópnum og mikil gleði.

Málið er mér mjög skylt því eiginkona mín Herdís Sigurjónsdóttir gefur kost á sér í 2. sæti listans. Hún hefur setið í bæjarstjórn í tæp 12 ár og er núna formaður bæjarráðs og situr í umhverfisnefnd.  Herdís hefur meðal annars verið forseti bæjarstjórnar, formaður fræðslunefndar og fjölskyldunefndar, auk þess að sitja í öðrum nefndum og ráðum.

n207634619805_9228

Herdís er lífeindafræðingur að mennt og hefur nýlokið meistaragráðu í umhverfis og auðlindafræðum frá HÍ og stundar jafnframt doktorsnám í opinberri stjórnsýslu. Hún starfar nú á verkfræðistofu VSÓ ráðgjöf.  Áður starfaði hún sem verkefnisstjóri neyðarvarna og neyðaraðstoðar hjá Rauðakrossinum og við rannsóknarstörf að Keldum.

Herdís er harðdugleg, heiðarleg og hefur enn brennandi áhuga á málefnum samfélagsins okkar.   Hún hefur unnið ötullega fyrir Mosfellinga og samfélagið sem við búum í.  Henni eru öll málefni hugleikin en sérstaklega þó skólamál, umhverfismál og öldrunarmálin.  Nú þegar hefur framhaldsskóli verið starfræktur í Mosfellsbæ og verður á þessu ári hafist handa við hjúkrunarheimili í bænum.

Ég skora á alla sjálfstæðismenn í Mosfellsbæ að standa að baki Herdísi og kjósa hana í 2. sætið þann 6. febrúar næstkomandi.

Hægt er að sjá greinar og nánari upplýsingar inni á herdis.blog.is
Herdís á Facebook
Stuðningsmannasíða Herdísar á Facebook
Til að skrá sig í flokkinn XD og taka þátt í prófkjöri.

Kosið verður þann 6. feb. í sjálfstæðisheimilinu Háholti frá 10-18 og utankjörstaðakosning fer fram í valhöll vikuna áður á virkum dögum á vinnutíma.

Stuðningsmaður nr. 1

untitled


XD

Það eru margir í vafa hvað þeir eigi að kjósa!  Þá er það spurningin við hvaða flokk á að setja X?

Samfylkingin segir í auglýsingum sínum að við inngöngu í ESB þá aukist störf og lífsgæði fólks, ég hef enga trú á því að það muni gerast, heldur mun atvinnuleysi aukast og verða stöðugt. Samfylkingin hefur heldur ekki sýnt þá staðfestu sem þarf við landsstjórnina því sumar ákvarðanir eru ekki þægilegar en nauðsynlegar. Haldi þið að Jóhanna muni skera niður í ríkisútgjöldum eins og nauðsynlegt er? Nei þau ætla að hækka skatta sem heimilin ráða ekki við núna.

Vinstri grænir eru að missa grímuna núna og vilja setja eignaskatta á aftur sem kemur niður á eldra fólki og fólki út á landi sem á eignir. Þeir neita álverum á Bakka og í Helguvík sem skapa um 6-8 þús. störf, sem og öllum virkjanakostum sem nauðsynlegt er að ráðast í á tímum sem þessum. Núna síðast hafna þau olíuleit á Drekasvæðinu, við eigum bara að hekla og prjóna og sinna ferðamönnum (þeir menga ekki!!). Þau vilja einnig hækka skatta á fyrirtæki og heimili sem setur okkur í eilífðarkreppu.

Þessir flokkar hafa starfað síðustu mánuði og ætluðu að bjarga heimilunum sem ekki tókst og eru nú að eyða í kosningapakka þeim fjármunum í seðlabankanum (200 milljarðar) sem sjálfstæðisflokkurinn sparaði með góðum rekstri ríkissjóðs.

Nei það eru sameiginlegir hagsmunir heimila og fyrirtækja að skattar verði ekki hækkaðir því það drepur atvinnulífið endanlega og þá eykst atvinnuleysi til muna.

Sjálfstæðisflokkurinn er eini kosturinn í stöðunni, hann stendur vörð um atvinnulífið og í leið heimilin, hann ætlar ekki í skattahækkanir, vill gera fólki mögulegt að lækka greiðslubirgði sína í 3 ár og skoða lækkun höfuðstóls lána.

Kjósum til framtíðar setjum X við D og komum okkur úr kreppunni.


Hlutfallsleiðin ??

Ég las grein Lúðvíks Elíassonar í mogganum í dag, síðu 40, þar fer hann yfir að ef fellt er niður ákveðið hlutfall skulda heimila og smærri fyrirtækja séu þeir sem skulda mest að hagnast. Þetta sama viðhorf hefur einnig komið frá núverandi ríkistjórn.

Þeir aðilar sem skulduðu mikið hafa þá líklega tapað hvað mest við núverandi verðbólgu og vexti sem og skráð gengi erlendra lána, fyrir og eftir hrun.  Þetta snýst um að reyna að rétta hlut heimilanna hvort heldur þau skulduðu mikið eða lítið, koma ástandinu í svipað horf og fyrrihluta árs 2008.

Ég tel að einhverskonar hlutfallsleið, hvort heldur það sé fast % hlutfall eða færa aftur vísitölu og handstýra gengi erlendra skulda, sé nauðsynlegt til að rétta af stöðu heimilanna og minni fyrirtækja.

Það eitt gæti bjargað mjög mörgum smærri fyrirtækjum til að lifa áfram,  þau færu úr neikvæðri eignastöðu í jákvæða og fengju fyrirgreiðslu í bönkum sem þau ekki fá í dag vegna neikvæðrar eignastöðu.

Það yrði kannski til þess að færri færu í mál við ríkið og bankana eins og nú stendur til vegna lána og kaup lánasafna með sa. 50% afföllum.

 


Úr kreppunni

Eftir að hafa hlustað á borgarafund í gærkveldi frá Rvk. norður þá varð ég alveg hvumsa við tillögur VG og Samf. þar sem þau sjá lausnina í að hækka skatta og lækka laun!!!

Ég sé ekki það svigrúm hjá heimilunum að lækka enn frekar í launum og greiða meira í skatta, það er alla vega ekki svo mikið aflögu í heimilisbókhaldinu hjá mér.

Ég ætla rétt að vona að almenningur í landinu sjái það að við þessar aðstæður og tillögur núverandi ríkisstjórnar þá verðum við í kreppu næstu áratugina.

Við verðum að kjósa til framtíðar en ekki fortíðar, Sjálfstæðisflokkurinn er með einu raunhæfu tillögurnar til að ná þessari þjóð út úr kreppunni. Hagsmunir heimilanna og fyrirtækjanna fara saman, það lifa engin heimili ef engin eru störfin. Komum atvinnulífinu í gang og þá lifa heimilin XD.


Sjálfsblekking

Eftir lestur þessarar fréttar þar sem Jóhanna segir að hún og ríkistjórn hennar hafi afgreitt 40 frumvörp og komið heimilum og fyrirtækjum til bjargar með orðaskrauti eins og velferðarbrú ??

Núna eru mörg fyrirtæki á hengiflugi og eru að falla frá og einnig þau störf sem þar eru og þau heimili sem byggja viðurværi sitt á störfum fyrir þessi fyrirtæki. Ég hef ekki séð hvað þessi ríkistjórn er að gera fyrir þetta fólk.

Ég þakka fyrir að einhver standi vörð um stjórnarskrá landsins og verji hana gegn illa ígrunduðu frumvarpi um breytingar á henni, eins og um stjórnlagaþing sem á að vera persónukjör og jafn kódi karla og kvenna og einnig uppbótarákvæði. Það verða þá 65% af höfuðborgarsvæðinu því það er ekki kjördæmaskipting og uppbótarákvæðið getur ekki orðið í persónukjöri og landið eitt kjördæmi. Þetta er þvílík vitleysa að hálfa væri nóg.

Ég held að Jóhanna ætti að fara í að bjarga þessum fyrirtækjum og heimilum sem hún stærir sig af og hætta þessari sjálfsblekkingu.


mbl.is Byggja þarf velferðarbrú
Tilkynna um óviðeigandi tengingu við frétt

Steingrímur J. dapurlegur

Ég las grein Steingríms J. Sigfússonar í mogganum í dag og verð ég að segja að það er dapurlegt að fjármálaráðherra landsins leggist svona lágt og hann gerir með þessari lágkúrulegu grein um landsfund Sjálfstæðisflokksins.

Þarna voru komnir yfir 1.900 landsfundafulltrúar sem fóru yfir málefnaflokka og settu línuna fyrir komandi kosningar, engin deyfð var yfir landfundarfólki eins og Seingrímur  reynir að láta líta út fyrir í grein sinni.

Ég veit ekki hvort hann gerir sér ekki grein fyrir því að hann er fjármálaráðherra en allavega eru skrif hans og framkoma eins og ráðalaus einstaklingur í minnihluta. Ég hef ekki orðið var við þær aðgerðir sem hann segist vera að skúra eftir sjálfstæðisflokkinn, þetta minnir mig frekar á skúringar með skítugu vatni.

Steingrímur þú ættir að nota færri lýsingarorð um aðra og líta frekar í eigin barm. Sá vitringur sem þú telur sjálfan þig vera og hafir alla tíð vitað hvernig færi dæmir sjálfan sig, þú ert einn þeirra sem hrósaðir bönkunum og hafðir ekki stór orð um þá fyrr en eftir hrunið, þá vissir þú allt.


Forgangur ríkisstjórnar

Ég verð að viðurkenna að ég varð frekar hissa þegar frétt barst um það að ríkistjórnin ætlaði að klára frumvarp um súlustaði og vændi fyrir kosningar!

Varðandi vændi þá stendur til að banna kaup en leifa sölu.  Ég hef einhvernvegin ekki trú á því að þetta geti verið eðlilegt, að einhver geti selt vöru löglega en kært síðan kaupanda vörunnar af því það er ólöglegt?? fyrir mér er þetta rugl.  Annaðhvort er bæði sala og kaup bönnuð eða leifð.

Hins vegar vakti fréttin furðu mína á forgangsröðun "bráðabirgðaríkisstjórnarinnar" við þessar aðstæður í þjóðfélaginu, þegar fyrirtækin sligast undan vaxtaoki og heimilin líka.  Fjöldi atvinnulausra er yfir 17.000 og eykst stöðugt, því fyrirtækin lifa ekki í núverandi vaxtaumhverfi og verkefnaskortur er mikill.
Nei þá kemur ríkistjórnin með mál um súlustaði og vændi sem keyra á í gegn fyrir kosningar, þetta mun örugglega bjarga mörgum heimilum og hjálpa atvinnulausum.

Ég tel að núvarandi ríkisstjórn hafi algjörlega klúðrað sínum málum miðað við yfirlýsingar hennar í upphafi, og vaxtalækkunin í gær er eiginlega skandall, við erum alveg jafndauð með 17% stýrivexti í stað 18%.

Ég get ekki sagt að þessi ríkisstjórn sé hæf til að stjórna landinu.  Það er eins gott að það eru að koma kosningar.


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband